إديها ضهرك …
إيه ح تاخده من حياتك ؟
غير مسيرة وذكرى حلوة
تنفعك ساعة مماتك
يااااه يا رفعت
ده انت مستعجل وماشى
لأ.. مصمم ع الرحيل
لاجل عارف إن ده سنة حياة
إن دى أقدار إله
جيل يسلم بعده جيل
بس ما اتعودش منك اللى حبك
إنه يتعايش على أوقات سكاتك
……..
إديها ضهرك
واحنا لازم برضه ندى ضهرنا
علشان حياة دايما بتغدر
تخطف فى لحظة عمرنا
من غير وداع سايب حبايبك للأنين
مسروق شبابك وسط أحزان السنين
كنت سيب حتى ابتسامة
تشفى قلب المجروحين
أو تبقى ذكرى لو قطار العمر فاتك
اديها ضهرك
شعر / الشحات النقيدى شاعر بالوطن