العناية الإلهيه تنقذمحررة وضوح (عزه السيد) من الخطف

كتب: حسام فاروق

عناية الله تنقذالصحفية عزه السيد من الخطف .،

عجوز طلبت مني المساعدة لتوصيل طلبات لها للسيارة وعندما وصلت كانت المفاجأة .،

صديقتي رأتني داخل السيارة وحينما أشارت لي وعرفت انني التي بداخل السيارة أخرجوني بسرعة وفروا هاربين.،

أترك المجال للزميلة عزه لتروي لنا ماحدث.،

ماكنتش متخيله انه ممكن يحصل معايا الموقف ده … إنهاردة في واحده ست كبيره ماشية ب عكاز ومعاها شنط كتيير طلبت مني اساعدها واعديها الشارع ,،

و اول ماعدينا طلبت مني أدخل الشنط في العربية بتاعتها … فتحت الباب الخلفي ودخلت الشنط ( كان في بنت جالسة علي المقعد الخلفي ) البنت مسكت إيدي وفتحت المطوه وقالتلي أركبي … شديت إيدي بسرعة وحاولت أرجع ورا … ،

الست الكبيرة أم عكاز-المفروض- حطت مطوه ف جنبي ودخلتني العربية بالعافية وقفلت الباب وقفلوا ال lock … الست اللي مفروض بتسوق العربية (دي واحدة تالتة كانت معاهم ) كان أدائها بطىء اوي صراحة وده من حسن حظي الحمد لله على ما جت تتحرك بالعربية كان في عربية تانية جت وقفت جنبنا العربية دي كان فيها بنت كانت معايا في الجامعة قعدت تشاورلي وتنادي عليا …. الست أم عكاز قالتلهم نزلوها بسرعة فتحوا الباب والبنت اللي جنبي زقتني برة وجريوا بالعربية … ،
الموقف ده حصل الساعة 8:30 باليل في الحي الأول عند (صيدلية أحمد ماهر) و ال ساكن في أكتوبر اكيد عارف ان الشارع ده علي طول زحمة ….
– نداء للبنت اللي كانت معايا في الجامعة انا أسفة مكنتش قادرة افتكرك …. بس أكيد بعد النهاردة عمري ما هنساكي ….
– العربية لونها أبيض فيها 3 ستات – 2 محجبات – واحدة شعرها أصفر (مش قادرة أفتكر نوع العربية ومن الخضة ملحقتش أشوف الرقم )
– مش مصدقة وحاسة إني كنت بمثل فيلم
الحمد لله …

الرجاء من جميع السيدات أخذ الحيطة وعم مساعدة أحد إلا اذا كان واثقا أنه يستحق المساعدة ؟،