أراء وقراءات
العيد فرحة
بقلم / أ.د. نادية حجازي نعمان
تيجوا نفرح ف العيد ؟ طيب تيجوا ننسوا مشاعرنا السلبية كلها ؟هل نقدر نفكر نفسنا وإحنا بنتعامل مع الناس حوالينا إن ممكن المشاعر السلبية اللي عندنا ممكن تكون عند الناس التانية اللي بنتعامل معاهم ونحاول نحترم المشاعر السلبية اللي عندهم ونتوقع إحتمالية إن عندهم مشاكل سببت مواقفهم السيئة معانا ….عايزين نضع إحتمال إنهم مش عارفين يعبروا عن أحاسيسهم ويوصلوها للناس اللي حواليهم ونقوم إحنا بتحملهم ونتغافل عن أخطائهم وكما قال الإمام أحمد تسعة أعشار حسن الخلق فى التغافل .
عندي فكرة كمان بلاش ندخل السرير وقلوبنا شايلة مشاعر سلبية لحد …نصفي قلوبنا وننام وقلوبنا مش شايلة حاجة من حد وعايزين نقلل مستوى المشاعر العالية والرسول هوه اللي علمنا كده لما قال حب حبيبك هونًا وأكره عدوك هونًا ما ….العيد فرحة ياللا نعيشها كلنا مع بعض
