احدث الاخبار

الغربة وسنينها..!! (3) تجربة واقعية تدونها: دينا سعد

الحل في 5 خطوات عملية

مسلمون في اوروبا يعانون من العنصرية ( الارشيف)

طب نعمل ايه؟ منسافرش؟ نتحمل الظروف ومستقبل مش شايفين فيه اي أمل؟ البلد مبقاش يتعاش فيها، انتو عاوزينا نستني ايه تاني؟ .

بالتاكيد ليس الهدف من هذه الكلمات هو ذم فكرة السفر أو أصحاب الطموح ، ولكن من المهم تحري الدقة ، والتوعية ببعض الأمور وفيما يلي نقاط هامة يجب أخذها في الإعتبار قبل إتخاذ خطوة السفر.

١- كل إنسان ظروفه وإمكانياته الشخصية والعلمية والحياتية مختلفة عن الآخر، لا تقارن نفسك بآخر نجح أو فشل في تجربة السفر بل تعلم من تجربة غيرك وخذ منها ما يناسبك وقارن.

2- لا تترك عصفور بيدك لتطارد آخر يحلق في السماء قد يبدو أجمل وأكبر ،ولكن ليس بالضرورة انك قادر علي الامساك به ، بالعربي لو عندك شغل مضمون أو دخل من عمل أو تجارة فلا تتركه ليفسد في سبيل مطاردة حلم قد يكون خيالي.

٣- حذاري ثم حذاري انك تسافر لاي مكان ف العالم دون فرصة مضمونه للعمل او الدراسة وتذكر، الوعد ليس عقد. متسافرش علشان قريب او صديق وعدك أنك أكيد هتلاقي شغل أول ما توصل.

٤- مفيش شك ان مرتب عامل توصيل الطلبات في بلد اوروبية اكبر من مرتب الطبيب في مصر، لكن احسبها صح، رجاء إحسبها صح بمعني متحولش العملة وتقول ده بالجنيه بيقبض آلاف، عزيزي احسبها صح بمعني تعمق في البحث شوية واستعمل جوجل استعمال صح. اعرف مثلا متوسط ايجار بيت او حتي غرفة في البلد دي كام، مرتبه عليه ضرايب كام، لازم يدفع كهربا وتليفون وانترنت كام ولو فكر يشتري عربية مصاريفها كام، ولو مرض علاجه ب كام و طبعا متوسط مصاريف الاكل والشرب ف البلد دي كام

٥- استعمل جوجل تاني واقرأ كويس عن شروط البلد اللي بتسعي تسافر ليها في توفير الاقامة وأنواع الفيزا وقبل ده كله عن حقيقة تعامل البلد دي ومواطنيها مع المغتربين وخصوصا القادمين من الشرق الأوسط.

فالصورة يا عزيزي ليست جميلة كما تراها بالأخبار، ابحث وتعرف علي الحقيقة ،وافهم ان ده هيكون له تأثير كبير في أنك تلاقي شغل وسكن وانك لا تتعرض للاضطهاد، ابحث ولا تستسلم للصور الخيالية أو المغلوطة.

وأهم من كل شيء تعمق في البحث  لتكوين صورة واقعية بدلا من الصورة الخيالية اللي رسمتها لنا أفلام مقاولات  التسعينات، أوروبا هذا القرن خالية تماما من عنتر شايل سيفه و النمر الأسود

عليكم وعلينا الرحمة من غربة حالكة بالداخل و الخارج.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.