الموت سر النجاح
حقيقه انا سر كوني هو الموت لانه هو الحقيقه الوحيده في حياتنا بدون شك اننا كلنا هنموت حتي انت هتموت, كتييير بفكر في وقتي هموت وحتحاسب عنه سمعتي اخلاقي تعليمي نجاحي كل حاجة كل حاجة ، في ناس اختلفت علي وجود الله ولكن مفيش حد طلع قال انه مخلد او مش هيموت.
بقيت بسبب اني هموت اخاف اجرب او اعمل حاجة بعد مااموت اندم اني عملتها بحكم اني اشتغلت في الصحافه وانا في اولي جامعه وانا كنت بنت مجتهده جدا وعندي طموح وطاقه تبني بلد بحالها لكن كنت بفضل الله ذكيه جدا محدش عرف يستغل طموحي في اني اكون غير ماانا عايزاه وراسماه, مبادئي هي اللي عشت بيها ومتغيرش حاجه فيهم ولا حتي تعديل لاني دائماً ابدا واضعه نصب عينيا اني هموت ولي نهايه زي ماكل حاجه في الدنيا ليها نهايه .
قابلت مشاهير وناس عرضت خدمات كنت كل مابقابل واشوف هلسهم اتاكد اني غاليه وغاليه قوي كمان وتزيد قوتي واصراري ورعبي من مابعد الموت واتاكد اكتر ان تعليمات ربنا لينا كانت هي الصح, وقررت ابعد عن قرف الاعلام والصحافة والاستغلال اللي الحمد لله بفضله لم استغل الا في كوني اكتب بدون مقابل وزاد معرفتي لهذا المجال وجاء القرار الحاسم لما اتخطبت لمدير تحرير برنامج مشهور عرفت معني القرف في معظم المجال دا الا من رحم ربي.
لكن لا انكر اجمل ناس في الاعلام قابلتهم وكانوا محترمين جدا ومخلصين لعملهم ومقدرين قيمة ذاتهم وعارفين ربنا بجد زي ابويا الروحي طبعا المحترم استاذي Madbouly Etman والاخ اللي بجد والصديق الصدوق المحترم عماد طه و Ahmed Maray والاستاذ محمد ناصر بكن لهم كل احترام وتقدير والله لاني حقيقي اللي بيظهر معادن الناس هي المواقف والناس دي كانوا من اجدع خلق الله ياريت منهم كتير.
قامت ثورة 25يناير وكانت المحنه بالنسبه لي اللي فيها منحه ضاقت الدنيا قوي بيا ووصلت لحاله صعبه لان ظهر الفساد بقي اللي بجد والاخلاق ظهرت علي حقيقتها قررت اقعد في بيتنا وانا في عز الضيق قرأت بوست اعلان عن TOT لمستر احمد قدوس وكان بداية الطريق اللي بحلم بيه واني ازاي اكون واحده بتحقق ماخلقت لاجله وهو عبادة الله بجد اتحولت حياتي 300 درجه للافضل لاقيت طريقي اللي كنت بدور عليه وقتها قولت بس” هعيشها غير” زي ما نفسي كان كل اللي مسيطر عليا وخايفه منه اني اموت قبل مااحقق الحلم اني اترك بصمه في الدنيا او حتي ابدأ بخطوه ولو مت يبقي ابتديت واحاسب بالنيه .وبفضل ربنا سخر لي كل مايجعلني اسير في طريقي دون تردد ووصلت الحمد لله اني افيد ناس في حياتهم وببقي سعيده جدا وانا بلاقي رساله شكر او كلام بيتقال عني انا حققته بفرح بفضل الله ونعمه عليا بس اقولكم سر صدق الله العظيم فعلا لما قال “ولئن شكرتم لازيدنكم”بقيت بشكر ربنا واحمده علي كل صغيره وكبيره بقيت استشعر لذة النعمه متفائله في احلك الظروف شايفه ربنا في كل خطوه في كل نفس في كل شئ وصلت حقا للسعاده وعرفت اين توجد…
الموت سبيل لحياه افضل, والحياه طريق لخاتمه سعيده او……….. اختار.
