الصراط المستقيم
الوداع ياشهر رمضان
رمضان خدني معاك
لاتسيبني ولا سايباك
مطرح ماتروح وياك
إيه اللى بسرعة مشاك
مش عايزة عيد
أنا جاية وراك
فاكر العيد يسعدني
وألا لياليه تشغلني
ده أنت بمليون عيدك
ياريتنا نقدر نعيدك
وتكون ف السنة 12 مرة
ماتطلعش منها برة
ياريت نسمع أخبار سارة
بتقول رمضان لأول مرة
حيعيد الكرة
ويبدأ تاني من بكرة
جاتني فكرة
نرمي ف الأرض لرمضان بذرة
ويطلع رمضان شجرة
تقعد معانا دنيا وآخرة
لكن وداع مش حنودعك
إحنا حنزرعك
وحنعرف نرجعك
ونعيش أيامك طول السنة
سكينة وسعادة وهنا
خواطر / أ.د. نادية حجازى نعمان
