الوطن بينادي
كلمات مهندس/ هشام غازي
قوم تعالى إبني عمر
واروي ارضي
بالهداوه بلاش تدمر
واجعل النبته تشق
الأرض بين ايديك وتكبر
وراعي أرضك وإياك
تنسى تقفل سدودك
وتجسر
الزرعه لو هلكت سعتها
ايه اللي هيفيدك لو
مهما تتحسر
وتسير وسط الخلايق
مهمل وبتأثر
الأرض لا يهمها إن كنت
مسلم اوحتى مستنصر
أتعب فيها وعافر هتديك
لو كنت شيخ منصر
ما بتغريها الملابس
والزينه والعطر والمنظر
الأرض محتاجه لضربة
فاس تشق حياها وتفجر
تحبلها في نبتة قمح أو اكتر
ويوم حصادها سنبله ماشيه
قصاد الشمس تتمخطر
بعد الخضار صبحت دهب
ما تحصد يلا واتشطر
وإياك تقيم حصادها
والمطره بتمطر
وقت الحصادفي يوم
شمسه يكون شعاعها
في السما مسطر
تطرح شجرياخدو النجار
يبني بيوت يعلي و ينجر
يعملك باب لبيتك او
حتى رفوف متجر
والارض بكره تطرح
وتجبلك شاي وسكر
بس أنت أتعب وعافر
شغل دماغك فكر
بلدنا محتاجه شباب
شغيل لابيطبل ولايهنكر
لازم يكون فنجري على
أرضه بيفنجر
يطوقها بياقوت عرقه
وساعد ايده متشمر
بايده يشق صحاريها
وخطوة قدمه هتعمر
سعتها الفرحه هتقبل
ويمشي الحزن مدمر
إبني وطنك يلا عمر
