أراء وقراءات
بابا روحي وقلبي..
كلمات / ناديةحجازي نعمان
٢٠٢١/٦/٣
لفينا وراه حارة بحارة
لا جار بيشوفنا ولا جارة
ونسوا اللي احنا فاكرينه
الحلو أبو شامة على جبينه
قال إيه قال محنش عاجبينه
إكمن حلاوته ما توصفشي
ولا يوم يفوت بيه ما نحلمشي
وياترى هل هوه ما يعرفشي
بالقلب وشوقه وحنينه ؟
الحلو ابو شامة على جبينه
وحشنا ووحشتنا الشامة
دي لكل جمال الدنيا علامة
يارب إجمعنا فى فردوسك
من غير لا شكوى ولا كمامة
واغفر لنا ذنوبنا واغفر آثامه
