أراء وقراءات

بحر إسكندرية ف الليل

خواطر / أ.د. نادية حجازي نعمان

يابحر لون ميتك ف الليل

بلون سماك

هوه غلط وألا إيه

اللي كان سماك

إسمك الأبيض

والسواد مالي جواك

مافيش أبيض إلا موجتك

وعمالة تضرب شطك الملاك

طول عمر قلبك أبيض

إيه اللي كده خلاك !!!

وإيه اللي وصلك

لقسوتك وجفاك ؟

إنت مش جبل ولاصحرا

فين راح هواك !!!

جرحك باين له كبير

وهوه اللي بكاك

منه لله اللي

بسهمه رماك

وخلى طولك وعرضك آتمين

أنا شايفاك

ودموعك ف عينك

وسامعة بقلبي شكواك

مش قادر تسامح

اللي رماك ؟؟

وضعك كده

لامفر هلاك

إنسى ونجي نفسك من هم

فارد حواليك شباك

عايز تقول الآه قولها

يمكن يكون فيها دواك

وافتكر بس ربك

اللي خلقك وسواك

الخميس 20 /8 / 2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.