أراء وقراءات
تايه في أيامي
تايه بقالي سنين
لفيت بحار وبحار
وشربت م الأنهار
أشواق مع العاشقين
لا سكتي بانت
ولا خطوتي راحت
تزين البساتين
**
توهني في عنيكي
أمواج ورا أمواج
وزرعتي بإيديكي
في دنيتي الأشواك
السكة راحت فين
والخطوه مش لاقيه
بحرك يا نور العين
العمر تاه مني
وراح مع التايهين
لا ف يومه متهني
ولا ليله مستني
تاني مع العاشقين
**
بكرة تعود تاني
أخضر يا بستاني
وتزهر الرياحين
مرة بلون الورد
مرة بلون الفل
مع كل بسمة خد
تميل سنابلنا
تطرح ليالي الفرح
من تاني جوانا
نفرح وننسى الحزن
والهم ينسانا
يا ملاك في ليلة قدر
طالل علينا بدر
بعد الفراق والهجر
يضمنا تاني
يفيد بإيه اللوم
الكل كان جاني
——————————-
شعر / د . أمين رمضان
شعر / د أمين رمضان
23 ديسمبر 2018