تحية خاصة لصاحبة المشاعر الإنسانية

أخى الفاضل …..

كل سنه ورئيسك بخير وعقبال العمر المديد ليه وليك ويكون ملئ بالخير والصحه والسعاده ويارب جريدتكم دايما منكم وبيكم في تقدم ومكانه عاليه وفي ازدهار تام وتحياتي لحضرتك ولكل المحررين علي مجهودهم الملحوظ وتحيه خاصه جدا جدا جدا للأستاذه الجميله المتألقه جدا في مقالتها دائما عزه السيد.
انا من عشاقها جدآ جدا وبحب أوي كتابتها وبالذات مقالتها الإنسانيه عليها كمية مشاعر واحاسيس يا الله ايه دا ….

مع ان الذاكره عندى بعافيه شويه ، بس ليها مقال راسخ في ذهني اوي وهو ( حوار بيني وبين السعادة ) . من شدة اعجابي بيه قرايته اكتر من مره وكاني عايشه معاها الحوار . وعلي فكره كل مقالتها كدا ليها حس عالي اوي ورهيب في كتابتها الانسانيه وانا بصراحه بحب مقالتها الانسانيه اكتر من الاخباريه ليها طاله خاصه بيها بتحسسك انها بتحاورك وهي بتكتب وبتقول اللى جواك بس باحساسها هي.
وهو دا الصحفي الذكي المحنك ، بصراحه بعشقها اوي وبستمتع وانا بقرالها .

تحياتي ليكم جميعا وبالتوفيق الدائم لحضراتكم ويارب جريدة وضوح تكون اقوي جريدة من كل الجرائد

شيماء عبد الحكيم