تداول الناس لقرار وزير التربية والتعليم بشكل خاطئ.
كتبت /ياسمين يحيى
قرارات وزير التربية والتعليم بشأن الدراسة معتمدة بشكل كبير على ثقته فى وعى أولياء الأمور
نقاط للتوعية وضحت القرار بشكل صحيح .
_الوزير قال هنلغى الامتحانات ولكن الدراسة زى ما هى شغالة بس كمواد رقمية على النت يعنى تتعلم وانت فى بيتك وف اخر الشهرين هتعمل بحث كمشروع لسه هيتم الاعلان عن تفاصيله للتأكد ان الطالب درس فعلا المنهج ووصى أولياء الأمور بمتابعة أولادهم والتأكد من إنهاء أبنائهم للمنهج وان مدرسين المدارس موجودين لتوجيه الطلاب فى عمل البحث ( المشروع )
_الوزير مش هدفه خالص إلغاء الترم ولو كان قصده كدا مكنش قرر بعمل بحث لكل مادة وان البحث دا هيكون أساس إنتقال الطالب للسنة الجاية يعنى اللى مش هيقدم البحث مش هيتنقل للسنة اللى بعدها .
_ المنهج لم يتم إلغائه بمعنى ان السنة الدراسية الجاية هتفضل مبنية على اللى اتدرس السنادى فاللى هيسيب المنهج ومش هيهتم بدراسة أولاده هيواجه مشكلة كبيرة السنة الجاية .
_أولياء الأمور اللى عندهم درجة وعى عالية بأهمية الأمر هما بس اللى هيهتموا فعلا بتعليم أولادهم الفترة دى لإنهم واصلين بوعيهم ان التعليم للتعليم مش للإمتحان .
_ الفترة اللى بنمر بيها دى لو نجحنا فيها ووعى الناس كان على قدر الحدث فدا هينقل التعليم نقلة كبيرة جدا وهيكون سبب نجاح كبير فى التعليم الفترة الجاية ولو كان عكس دا فهيؤدى لتدهور التعليم فالقرار فى إيدينا يا نكسر الحاجز دا ونستغله صح أو نفضل متأخرين ومستسلمين لأى وضع طارئ ونرجع لورا بدل ما نطلع قدام .
