تعرف على تفاعلات الأدوية حتى لا تتعرض لأعراض جانبية خطيرة 

كتبت أ.د. نادية حجازي نعمان

1- لو كتبولك أدوية فيها سلفا  وما قالوش اشرب ميه كتير اثناء فترة العلاج

خد بالك إنت من نفسك لان مركبات السلفا بتتركز في الكلي وممكن تسبب التهاب كلوي وحصوات

2- لو كتبوا لك مضاد حيوي من مجموعة سيبروفلوكساسين أحذر من الخروج والتعرض للشمس اثناء الظهيره لان اثناء فترة العلاج بالادويه دي بيكون المريض عنده حساسيه لضوء الشمس وممكن تسببه حروق الوجه والجلد وتؤذي العين

3-لو كتبوا لك مضاد حيوي اسمه زيثروكان او زيسروسين او مجموعة الماكروليد ونسوا يقولوا تاخدها بعد الاكل بساعتين  لانه لو اخدتها بعد الاكل مباشرة هيفسد مفعولها

4- لو كتب طبيب لابنك مضاد حيوي زي هاي_بيوتك او اوجمنتين شراب او اي حاجه بنفس تركيبتهم ونسي يقولك احفظه في التلاجه مباشرة بعد الحل لانك لو نسيت بره التلاجه هيبوظ عالطول ولازم ترميه اول  مالونه يتحول من الابيض للاصفر الغامق

5- لو إتكتبلك اقراص مضاده للالتهابات بيكتبها كتير اطباء الاسنان والعظام وتخصصات اخري اسمها الفنترن أو أمبيزيم ونسي يقولك تاخدها قبل الاكل بساعه او بعد الاكل بساعتين لان اقل من كده مش هتستفيد منها نهائيا لانها اذا اتاخدت مع الاكل هتحلل البروتينات اللي في الاكل بدل من البروتينات المسببه للورم  فلازم تكون المعده  خالية .

6-لو الدكتور او الصيدلي أعطاك حاجه مسكنه للالم  والصداع من مجموعة ديكلوفيناك زي كتافلام او مجموعة كيتوبروفين زي باي الكوفان ونسي أنك بترضعي ‘وخصوصا لو طفل حديث الولاده

لان الادويه دي هتسبب لابنك ارتجاع وحرقان ومغص  وانتفاخ وهايفضل يعيط كل ما ترضعيه وهتدوخي عشان تعرفي ايه السبب وانتي السبب

7-  لو كتبلك دكتور دواء مسكن بروفين  ونسي يسألك هل بتاخد اي نوع اسبرين للسيوله ام لا

لان البروفين بيلغي تأثير الاسبرين فلو كنت مريض بالقلب او الضغط ومحتاج تاثير الاسبرين ما تاخدش معاه بروفين في نفس الوقت.

٢٠٢١/٥/٢٦