جنيه .. دولار .. ذهب .. مين الكسبان

عارفين مين اللي كسبان دلوقتي.

اللي كسبان دلوقتى مش اللي بيجرى يحول فلوسه دولارات ولا دهب، ولا بيشترى عقار ولا بيحول فلوسه بره البلد.

والله اللي كسبان دلوقتى هو اللي بيتصدق على ناس هو عارفهم وشايف إن هم أكتر مَنّ تضرّروا من الأزمة دى!

… ربنا سبحانه وتعالى بيقول في القرآن  (أو إطعام في يوم ذي مسغبة).

بيقول قبلها !! (فلا اقتحم العقبة) !! ..يعني الإنسان إللي همه الدنيا، خد بالك المهم إنك تعبر يوم القيامة بسلام.

ليه مبسوط وفرحان ومبتفكرش غير خطط الدنيا !

(وما أدراك ما العقبة)، سؤال استنكاري عن عظمة اللي هيحصل لسه في اليوم دا ! ..

وبعد كدا ربنا بيقول إزاي تعدّي اليوم دا :

(فك رقبه) .. أن تعتق رقبة..

( أو إطعام في يوم ذي مسغبه)  .. أو إنك تُطعِم في أيام فيها أزمات أو مفيهاش أكل

(يتيمًا ذا مقربة ) .. حد يتيم من قرايبك

( أو مسكينًا ذا متربة) .. أو تطعم واحد مسكين باين عليه الإحتياج.

اللهم ارفع عنا البلاء والغلاء يارب العالمين.

مختارة من صفحتها على الفيس بوك