جهاز العريس..
كتبن / عزه السيد
أيوة انت قريتها صح تعالي بقي يا عريس شوف جهازك ايه وهاته
6ترنجات صيفي
6 شتوى
6اطقم داخلى ملون عشان البنات مبتغسلش ابيض ومبنزهرش بتكلم جد
6 دفايات من قطونيل ملونه بلاش الكلسون الرصاصى عشان بقي موضة قديمة اوى اوى قطونيل خامته حلوة والوانه حلوة
عباية واحدة لصلاة الجمعة
برمودات بقي و بناطيل وتشيرتات فردى
6شوزات و3كوتشي
6شرابات
روح صيدلية كبيرة وهات مجموعة نيفيا الرجالى كلها
مزيل عرق+ اسبراى + فوم حلاقة +مكينة حلاقة +كريم مرطب لليد والوجه
6اسبراى رجالى axe او نيفيا حلوين اوى بردو
6 برفان خروج شيك من ماء الدهب للخروجات
فرش اسنان ومعجون
3شبشب واحد منزل واتنين خروج جنب البيت مثلا
مقص خاص بيك .. شفرات الحلاقة الصفرا دى احتياطى
خلى عندك ركنه صغيرة خاصة بيك حط فيها كل حاجه فى الحمام وركنه لزوجتك
اهتم بنفسك جدا وتزين لزوجتك زى ماهى بتتزينلك مش عيب سيدنا على بن أبى طالب رضي الله عنه كان يتزين للسيدة فاطمة رضي الله عنهما
أهم شيء غسول للفم والمضمضة فى غسول ليسترين ده تحفه وقوى كل ماتدخل الحمام اتمضمض عشان النفس
رش معطر بعد كل دخول تواليت
ايس كاب للشتا
نسيت اقول الملابس الخروج
6اطقم بناطيل جينز مثلا او ليكرا او زى مابتلبس وقمصان او تشيرتات او سويت شيرت اللى بتلبسه هات 6 اطقم كاملين بالحزام وهات حجات نضيفة تعيش ع قد ماتقدر لان غالبا دى اخر مرة هتجيب فيها حجات لنفسك بس
جاكتين حلوين شتوى او بالطو
نسيت كمان اقول نضارة الشمس هات 3 نضارات و5 كابات للشمس الصيف وحش
5 كوفيات شتوى وجلوفز زيهم ويفضل نفس اللون
بدلة للمناسبات
متنساش تجيب 2محفظة رجالى شيك كده او شنطه هاند ليك وانت خارج
فى بودرة للاقدام عشان ريحة الشراب وعرق القدم
رش على رجلك وبين الاصابع قبل لبس الشراب وانت رايح الشغل عشان ريحة الشوز والكوتشي ده للطرفين طبعا
الاكسسوارات 3خواتم فضة شيك كده لو بتحب تلبسهم اشكال مختلفه احجار كريمة مثلا و4 ساعات شيك كده معدن وجلد و2 سبحة واحدة الكترونية للطريق والتانية عادى للبيت
شعرك اهتم بيه هاتله شامبو وكريم او جل زى ماتحب
