حدوتة أبلة أميرة.. أبو البنات

مساء السعادة …ياسكر زيادة

كله يقرب ويجمع عندى….يلا تعالو حبايب قلبى.

أصدقائى ربنا هو الرزاق

كان فى رجل رزق خمس بنات…فى سادس مرة ، قال لزوجتة لو جبتيلى بنت، انا هاضعها أمام الجامع او فى الشارع.

وفعلا رزقت ببنت،اخذها الزوج ووضعها أمام الجامع،فبكت الام.

وذهب الاب،فوجد البنت فى مكانها،واخذها فى اليوم اللى بعده…ووضعها امام الجامع..وذهب فى اليوم اللى بعده فوجد البنت…فأخذها الى البيت..فقامت الام باطعامها…وظل هكذا حوالى  خمسة عشر يوما…وترك الأب البنت لأمها…فكانت تدعى الله كل يوم ان ربنا يحفظ ابنتها..ولا احد يأخذها…وترجع لها.

ورزق الرجل وزجته بولد،واخذ ربنا الابنة  الكبرى…ثم رزقت، بولد ثانى…فأخذ ربنا البنت الثانية….إلى ان رزقك بخمس اولاد، وماتت كل البنات ماعدا البنت التى كان يضعها الاب امام الجامع .

وتدهورت صحت الام وماتت….فكانت تراعى البنت كل أخواتها..ووالدها،

وتزوج كل اخوتها…وكانو ياتو كل شهر او ثلاثة لزيارة الاب.

ولم تتزوج البنت  لرعايه الاب.

تلك هى البنت التى كان لايريدها الاب، هى التى تبره وترعاه.

(ويهب من يشاء إناث..ويهب من يشاء ذكور)

كله رزق من عند الله.

وخلصت حدوتة قبل النوم النهاردة.

استنونى فى حدوتة جديدة

تحياتي

اميره حسن