حدوتة أبلة أميرة .. عطاء الأم

مساء السعادة…… والسكر الزيادة

كله يقرب يجمع عندي …..بسرعة تعالو حبايب قلبى

هاحكي لكم  عن نوع من العطاء وهو( الايثار )

يعنى يبقى معاك حاجة واحدة بس،وتعطيها لغيرك.

تعالو نسمع الحدوتة على شان تعرفو وتصدقو.

كان فى ام عندها ولد واحد، وزوجها متوفى، كانت بتعمل فى نفس مدرسة ابنها .

كانت الام بعين واحدة….وكان ذلك يضايق الابن….وكان بيقول للام شكلك مش حلو….واصحابى بيضحكو عليكى وعلى شكلك.

وسافر الولد بعيدا عن أمه وكمل دراستة….واشتغل فى مكان بعيد .

وتزوج وأنجب طفلين.

وظلت تبحث الام طول هذه السنين ع أبنها …..كانت نفسها تراه….وترى اولاده

وفعلا عرفت مكانة ….ودقت الام جرس باب ابنها.

وفتح أولاده فخافو من عين الام وصرخو.

فخرج الابن على صوت اولادة وقال لامه…ايه اللى جاء بيكى هنا ، اولادى خافو من شكلك.

اعتذرت الام لابناها وقالت: أسفة  جيت العنوان غلط، ورجعت.

وبعد فترة رجع الولد بيت والدتة للحصول على أوراق يحتاجها ،فوجد الام قد توفت وتركت رسالة إلى ابنها بتقول فيها: ابنى الحبيب اسفة انى سببت لك إحراج من شكل عينى.

بس لازم تعرف حاجة كنت إخفيتها عنك.

انا كان عندى عين ثانية، ولكن وانت صفير تعرضت إلى حادثة…افقدت عينك لذلك اعطيتك عين من عيونى لترى بيها  الدنيا بعينى انا.

أصدقائى هو ده الايثار اللى كلمتكم عليه… انك تكون معاك حاجة واحده بس وتعطيها لغيرك.

غيرك اللى بتحبة.

خلصت حدوتة انهاردة.

استنونى وحدوتة جديدة وحدوتة قبل النوم

مع تحياتى

أميره حسن