حركات وابن بهيه
كلمات / الدكتور محمد الشافعي
سي الخير
اهل بلدي الطيبين
م البندر والفلاحين
حااحكي الليله حكاوي
تنفع والله غناوي
لا مش حدوته الشاطر حس
بق زيد الهلالي
لا
حكاويتنا احنا الفلاحين
الناس الغلبانين
لاجل الاف الملايين
يعيشوا مبسوطين
الواد محمد ابن بهيه
نح في الثانويه الزراعيه
واتعين كاتب جمعيه
موتوسيكل احمر
بيفطه حكوميه
تليفون ومكتب
ابهه خصوصيه
للافندي كاتب الجمعيه
عيني ع الوله
اللي ماكان لاقي الجلابيه
واللقمه ناشفه
حتي مامنديه
هاناكو
دلوقتي قي ايده كل الماليه
امه قالت له كلمه
فبل مايستلم الوظيفه ديه
الشرف يابني للراجل نقديه
ادعي لي ياامه
دعوه مصفيه
روح الاهي
يكفيك شر كل بلية
راح اخينا اول يوم
كله عزم وهميه
ماغرضه غير يسعد
المسكينه بهيه
راح وعلي باالصيحات
هاتوا الدفاتر والحسابات
عايزين نراجع كل اللي فات
كان في اللحظه دي مين واقف
حسين افندي حركات
موضب القاعده للعمده والافنديات
ع العمده باالجري هات
الحق ياعمده
اسمعوا يابهوات
الافندي الجديد
مدقق في الحسابات
خوفي يكشف ملعوب الشيكات
ولبسنا الكلابشات
ونتجر وراك في البوكسات
ونزور السجون والمعتقلات
ده ده
عيب ياواد انا العمده
عيب ع الشنبات
ياما كتير كانو قبله
ماقدرو يقفوا
قدام الحاجات
ده جوز جزم وشويه شربات.
يبقي بتاعنا في ثواني
مش في ساعات
والله خساره فيك اسم حركات
لما انت خايف من كاتب حسابات
عليها وراح حركات
بشغل البهلونات
صباح الخير محمد افندي
العمده وزكي وبشندي
الليله معزومين عندي
فرحتي ولاحدش قدي
لو فت وانت معدي
لكن ياحسين ياخويا
من يوم مامات ابويا
مابغمش عن امي ثانيه
رلو غيبت عنها
تنخض وتقلب الدنيا
ياخويا نقرل لها
واهي تباركنا
بدعواتها وعطفها
خلاص ياعم حسين
حاروح منك فين
كلها ساعه او ساعتين
راخلص الدوسيهين
راخد الاسطي حنين
يوريني داركم فين
بين المغرب والعشويه
راح ابن بهيه
وكانت القاعده متهنيه
العمده والافنديه
قاعدين ع الطبليه
بياكلوا زفر وملوخيه
- حلف حركات
يمين وطلاقات
لتقعد تاكل مع الافنديات
اكل ابن بهيه
واتمدد ع المخدات
شويه وجات الجوزه وشاليه
وغباره م الغاليه
لفت الجوزه لفه معلمانيه
وجه الدور علي ابن بهيه
صرخ وقال
لامشربرش
ضحكوا عليه اللي مايسووش
يامحمد افندى
دي هديه من عندي
القاعده ماتجلاش
غير باالغباره يابلاش
اشرب ماتكسفتاش
وتضحك علينا
اللي يسوي ومايسواش
اشرب اشرب ياراجل
لو مره
هو العمر فيه كام مره
وشرب بن بهيه
نفس واتنين
نسي هوه منين
وقاعد فين
ام قال نفر بشويش
وهوه بيرص الكيف
فرصتنا ياحركات
نمضيه ع العقودات
ونورطه في الحسابات
قاموا وجابو البصامه
ورقه بيضه ايامه
ومضوه في سطلته
علي كل عهدته
وليلتكوا فل ياحضرات
ومن يومها
بقي من شله حركات
رسكن في عمار
وبقه سيجاره
ولبس نضاره
وفي بقه سيجاره
زي الزماره
لاحكومة ولا قوانين
عارفه جايب فلوسه منين
انما الحرام لهونهايه
واللي فوق بيمهل ولا يهمل ياجماعه
قصد العباره
في يوم طب تفتيش م الوزاره
لاجل نيراجعوارالحسابات
ويتمموا ع العقودات
يالهو بالي ياولاد
يابوي ع الاختااسات
ميات الاف الجنيهات
كانت في عهده ابن بهيه
وراحت يافنديات
شويه وطبت البوكسات
عساكر بشنبات
حديد بكلابشات
محكمه وقضيه
حكمت المحكمه حضوريا
علي محمد علي عطيه
بغرامه ميه الف وخمسميه
سجن واسيه
وادي نهايه كاتب جمعيه
لافوا عليه الحراميه
وعلموه التحشيش
وشغل الحلانجيه
ادي نهايه كاتب جمعيه
لكن بدي اقول كلمه صغيره
للوشوش المتحيره
الحكايه
دي حصلت في لدنا
ولا لشي فيها اماطل
زي ماسمعتها من بق الحاج غبد العال
اللي فاتح في بلدنا بقال
وادي ختمي وبصمه عال العال
قصيدة زجليو من ديوان (تخاريف وتفاديح) تحت الطبع
استشاري العلاج الطبيعي
وشاعر شعبي
