أراء وقراءات
حكاوي شهرزاد الحالمة ..عم بطاطا
كتب :احمد ابراهيم 
حكاية عم بطاطا
بلغنى ايها الملك السعيد
ذو الرأى الرشيد
عم بطاطا معاه عربية
سارح بيها فى الحلمية
رامى تكالة على الله
عمره ما ان وقال الآه
عندى ثلاثة من الأولاد
نهلة وبسمة وابنة فؤاد
حلم حياتة حتة أرض
يبنى عليها بيته بقرض
يحمى ولاده من الأيام
ما أسرعة جرى ألأعوام
قدم ورقة فى ألأسكان
قالو أكيد ليك هنا مكان
فاتو سنين اوراقة معاه
وعم بطاطا البقاء لله
راحو الورثة يشوفو الحال
قال مسؤول دى فلوسكو حلال
هم يدوبك ست سنين
وراح تستلمو يا نور العين
وهنا أدركت شهرزاد الصباح
فسكتت عن الكلام المباح
وطلبت من الملك شهريار
ينقلو من الشقة الإيجار
ويشترو حتة دار
لتأمين مستقبل إبنهم عمار
وإلى اللقاء فى حلقة قادمة
