حكايات أبلة أميرة .. الصياد والفتاة الجميلة

يالا ..تعالو حبايب قلبى.

أصدقائى..

اوعو الدنيا تنسيكو ربنا…. لو عايزين تعرفو  ازاى ….. …..تعالو اسمعو الحكاية.

كان فى شاب صياد راح ع شان يصطاد،

رجع بسرعة يخبط ع الباب، ويقولة ياولدى افتح ياولدى، انا شوفت بنت جميلة اووى وعايز اتزوجها.

والده قالة للدرجة دى ،طيب تعالى ع شان اجوزهالك، ولكن اول ماشاف البنت ، قال أية الجمال ده؛

انا اول مرة اشوف بنت بالجمال ده ؟

وقال لابنة، اسمع بابنى :

البنت دى ،تنفعنى  انا، ع شان انا اكبر منك واعرف عنك وانا اللى هاسعدها.

الشاب  أتضايق اوى وقالة ، ازاى انت بتقول ايه؟ انا اللى شفتها قبل منك.وراح جرى يشتكى ابوه ، لشيخ الصيادين.

شيخ الصيادين قالو تعالا نشوف البنت دى ع شان احكم مابينكم .

شيخ الصيادين شاف البنت  ، قال انا اول مرة اشوف الجمال ده،بس ياابنى، البنت دى ولا تنفعك، ولاتنفع والدك، البنت الجميلة دى، تنفعنى انا، ع شان انا أغنى منك ومن والدك .

الولد قال انا لازم اروح اشتكى للامير.

الأمير قالة طيب ابعث هات البنت هنا ع شان اشوفها واقدر أحكم بنكم.

ولكن الأمير اول ماشاف البنت ، قال ايه الجمال ده؟ …. انا اول مرة اشوف بنت بالجمال ده؟

شوف انت وهو ، البنت دى ماتنفعش حد فيكم ، دى تنفعنى انا، انا الامير وبحكم كل الناس ، وعندى مال.

البنت بصت وقالت-  لهم ماتتخنقوش انا عندى الحل .

انا هاجرى وانتو كلكم تجرو ورايا .

واللى هايمسكنى ، هو اللى هايخدنى ويتجوزنى.

وفضلت تجرى وكلهم يجرو  وراها، لحد  مالاقو بير غويط وهما مش شايفين وقعة كلهم فيه . البسى ده اخرتهم

رجعت لهم وقالت لهم شوفتو بقى دى اخرتكم، انتو جريتو كلكم ورايا ، انا الدنيا، ونسيتو ان ربنا خلقكم للصلاة والصوم والعبادة.

جريتو وراء الدنيا بهرتكم بألوانها وانوارها.ونسيتو ربكم

وماخلقنا الجن والإنس الا ليعبدون.

خلصت حكايتنا يارب تكون عجبتكم وفادتكم

استنونى وحكاية جديدة من حكايات ابله اميره

مع تحياتى

 أميره حسن