حكايات أبلة أميرة.. زواج الأمير من بنت فقيرة

ياحبايب قلبى..

أصدقائى الحلوين ..

اوعو فى يوم  تقولو غير الصدق.

عايزين تعرفو ليه؟

طيب تعالو معايا واسمعو الحكاية.

كان فى أمير فى يوم من الايام قال انا لازم اتجوز، بس  بنت من المدينة اللى انا بحكمها وبعيش فيها.،مش كدة وبس دى هاتكون الاميرة ،وهاتحكم معايا المدينة.

ونادى ع الوزير ، وقالى ياوزير ، هات المنادى ينادى فى المدينة ، ان بكرة هايكون فى حفلة فى قصر الأمير ، وتحضر فيها كل البنات ع شان الأمير هايختار منهم زوجى ليه .

وفعلا جت كل البنات ولابسين اجمل الثياب

كان معاهم  بنت فقيره و جميلة اسمها منيرة،

الأمير قال لكل البنات ، انا هاعطى كل ين منكم، شوية بذور- تروحو  وتزرعوهم وتيجو بعد شهرين، واللى هالاقى ، وصاحبة اجمل زهور هى اللى هاتجوزها ،

والبنات أخذت البذور وراحة يزرعوها ذى ماقال الأمير.

وجهه الميعاد اللى قالهم عليه الامير، وكل واحدة من البنات عالية اجمل الملابس ومعاهم زهريات فيها اجمل زهور بأجمل رائحة عطور، الا البنت الفقيرة الجنيلة منيرة، جابت يزور فى زرعتها من غير زهور ولا حتى رائحة عطور.

وحان ميعاد النتيجة واختيار الزوجة اللى هاتكون اميرة.

الأمير  قال انا اختارت البنت منيرة ، وهاتكون الاميرة.

البنات استغربت وقالو ، ازاى بس ازاى؟ دى ممعهاش ورد وزهور ، مثلنا.

حتى منيرة نفسها كانت فى دهشة وحيرة.

قالهم انا هاقولكم  ماتستغربوش.

انا اعطيتكم بذور عقيمة مش سليمة وعمرها ما تتطلع ورد او زهور.

كنت عايز اعرف مين فيكم الصادقة من الكذابة،

فالزهور التي معكم اشتريتمو ها من بساتين الزهور ، وكذبتم عليا، الا البنت الفقيرة الجميلة منيرة ، هى الوحيدة اللى ماكذبتش، وع شان كدة ،انا هاتجوزها ،وهاتبقى الاميرة وتحكم معايا المدينة، بأمانة وصدق.

الحكمة يااصدقائى .. ان الصدق منجى

ولازال العيد يكذب حتى يكتب عند الله الكاذب.

ولازال العبد يصدق ويتحرى الصدق حتى يكتب عند الله صديقا .

الصفة هنا ياحبيبة : الصدق .

والحكمة: الصدق مناجاة من النار، وتوصل لكل حاجة جميلة.

خلصت حكايتنا يارب تكون عجبتكم ، استنونى وحكاية جديدة من حكاياتى.

مع تحياتى

 أميره حسن