حكايات شهرزاد الحالمة…صوتك ممنوع

كتب أحمد إبراهيم

بلغنى أيها الملك السعيد
ذو الرأى الرشيد
كان ياما كان يا إخوان
ولا بلاش كلمة إخوان
أصل دى كلمه تودى لومان
هنخليهايا إنسان
كان ياما كان يا إنسان
دوله فى قارة النسيان
كان إسمها موريستان
كان حاكمها شخص لطيف
صاحب بينه شريف وعفيف
إسم سعادته الغطريف
والغطريف ده حبيب الشعب
كل كلامه طالع من القلب
صاحب حنكه وفكره حويط
جسمه رياضى جريء ونشيط
أحلى ما فيه الصبح يقوم
ساعة الفجر يصحى النوم
يضرب شايه ويضرب جرسه
لاجل يجهز نفسه حرسه
إجتماعات وإعتمادات
نادر يعنى الإجازات
خلصت مده حكمه يا ساده
وإنجازاته كانت بزياده
حان الأن موعد الإنتخابات يا إخوان
حسب التوقيت المحلى لمدينة الموريستان
قال الراوى يا ساده يا كرام
انه نظرا لما نمر به هذه الأيام
فى دولة موريستان العريقه
الأخت الكبرى لكل الدول الشقيقه
صدر قانون هام للغايه
وأحكام القضاء لا تعليق علبها .نهايه
منع الانتخابات لمدة عشر سنوات
ويتم عمل vote على التليفونات
لتوفير النفقات
وترشيد الحاجات
وهنا أدركت شهرزاد الصباح
فسكتت عن الكلام المباح
والى اللقاء فى حلقة قادمة