أراء وقراءات
حكايات شهرزاد الحالمه .. الجنيه والدولار
كتب :أحمد ابراهيم
بلغنى أيها الملك السعيد
ذو الرأى الرشيد
حكاية النهارده حكايه عجيبه
ماهى الدنيا فيها حكاوى غريبه
حكايه بطلها الجنيه والدولار
ولابد نسأل ده موت ولا إنتحار
بكام الدولار يا حج إسماعيل
ما ليك حق تسكت ده هم وثقيل
ما بين يوم وليله يدوب عوموه
ولكن في الحقيقة كانو بيغرقوه
وقالو منافس وبكره يزيد
والصحه جامده وبومب وحديد
تمر الليالى وتجرى يا بيه
نلاقى جنازه بطلها الجنيه
ولا عزاء يا بطل للسيدات
ولابد ندعيله بالرحمه والثبات
اكيد بعد موته فى عمله جديدة
يا هتكون ورق يا حتة حديدة
لكن من المؤكد وفقا المحللين
ان العمله الجديدة وقولو امين
من المتوقع تساوى الف دولار
وكلامنا يا بيه جد مش هزار
وان اسم العمله المقترح
البلح طرح
وهنا أدركت شهرزاد الصباح
فسكتت عن الكلام المباح
وقالت لمولاها شهريار
يبيع بسرعه أى دولار
ولو حتى بسعر الجملة
عشان يستفاد بفرق العملة
والى اللقاء فى الحلقه القادمة
