منوعات
حكايات شهر زاد الحالمه
بقلم :أحمد إبراهيم
بلغنى أبها الملك السعيد
ذو الرأى الرشيد
حكاية شعب هب وثار
ضد توحش الاستعمار
يا فلسطين يا عروسة بطرحة
خطفو عريسك فى عز الفرحة
قدس واقصى فى قلب الناس
ليه بيعتوه على اى اساس
اضرب اضرب يا استعمار
واحنا علينا الاستنكار
نام وارتاح يا شهيد واتهنى
لينا الدنيا وليك الجنه
مهما يطول الليل يا حصار
بكره يزول وهيجى نهار
شعب ما يعرف الاستسلام
فك حصار على المسجد دام
يوم واتنين وتلاتة وخمسة
أصله عدو مشهور بالخسة
قومى يا عروية وصحى النوم
لا استنكار ينفع ولا لوم
قالها فى يوم زعيم الأمة
اللى راح بالقوة يرجع بالقوة
وهنا ادركت شهرزاد الصباح
فسكتت عن الكلام المباح
ودعت لشعب فلسطين المحتلة
بان يمدهم الله بالعزم والقوه
ودعت لجميع الامة العربية
بفك حصار عقولهم المهلبية
اللى اللقاء فى حلقه قادمة.
