حملة على مواقع التواصل لمقاطعة (فيلم الملحد )
تداول الغيورين على الدين في مواقع التواصل الاجتماعي تحذيرات من مشاهدة فيلم الملحد ودعوا الى مقاطعته.
وفيما يلي نص البوست المتداول:
للأسف هينزل فيلم اسمه الملحد وفكرة الفيلم عن شاب ابن شيخ سلفي وكان أبوه بيعذبه من صغره في حفظ القرآن وكتب الحديث الستة فكبر الشاب واتعقد وكره الدين وألحد وبقي مشتت في الحياة لحد ما اتعرف علي واحد صاحبه اسلامي وسطي معتدل بيزني وبيشرب خمور وعلمه إن الدين يسر مش عسر والفيلم بيقفل علي كده والمطلوب من شبابنا تقلد هذا الشاب
الفنان الراحل مصطفى درويش رفض المشاركة في هذا الفيلم (الله يرحمه كان عنده مبدأ)
❌ إنما عادى محمود حميده يعمل دور شيخ سلفى متحجر الأفكار واحمد حاتم يعمل شاب ملحد.. مش هياخدوا أجور يبقا طظ فى اى مبادئ
طبعا الفيلم تاليف إبراهيم عيسي المعروف عنه كرهه للدين الإسلامي.. وكل أفكاره تدور حول مهاجمة الدين الإسلامي
⛔الفيلم ده اكيد هيتعمل له دعايا ضخمة لان
المنتج احمد السبكى من اكتر الناس اللي انتجوا افلام شوهت المجتمع المصري نشر افكار البلطجة ودلوقتي الفكر العلمانى الموضوع خطة محكمة لنشر الإلحاد فى الدول العربية ونشر المثلية والاعتراف بيها
⭕ الفيلم ده لو الناس متفرجتش عليه فى السينمات او حتى على النت هيفشل ومش هتتكرر التجربة
ياريت من دلوقتي الناس تقاطع تلك الأعمال الهدامة بلاش تدفع تمن تذكرة سينما عشان تشاهد عمل بيهاجم دينك.. خليهم يخسروا تمن إنتاج الفيلم
⛔⛔ قاطع فيلم المُلحد
