كلمات / دندراوي ابو اسماء المناعي
حيرتينا معاكى يادنيا
وشفنا فيكى العجايب
شفنا شجر الظلم عالى
وطرحه يملا زكايب
والكدب هو اللى ماشى
والصدق دايما غايب
والناس لابسة توب النفاق
وتوب الحقيقة دايب
والفاجر الناس تطلب وده
والطيب ملوش فى الود نايب
والحكمة من الفقير تتهان
والغنى رأيه هو اللى صايب
يادنيا ليه تخدعينا
وبالسعادة توعدينا
خلتينا نجرى وراكى
عشان نحقق أمانينا
أتارينا بنجرى ورا سراب
عشمنا بالسعادة وخلى بينا
حتى الأمان إختفى
وبنخاف من أقرب الناس لينا
شفنا فيكى العجايب يادنيا
شفنا الحق بيموت والباطل مخضر أراضينا
المصدر / صحيفة نحو الشروق
الحواس والانفاس 
صالون الشارقة الثقافي “التأثير الإعلامي على الشباب”