خايفة ليه؟

كلمات / د. أمين رمضان

زي المطر

روحي وروحك يا قمر

كل النجوم استغربت

من لحظة القرب اللي بانت

في العيون

واختفت جوا الظنون

خايفة م الأيام ل تسرق حلمها

تدفن مشاعرها بإيدها

جوا قلبها

وتعيش وحيدة ف دربها

نايمة في أحضان وهمها

ودموع بتجرح خدها

خايفة تتكلم ل تخنق حبها

طب خايفه ليه؟

اللي يحب بتفضحه

دايماً عينيه

ويدق قلبه حتى في لمسة إيديه

وتشف روحه

جوا روحه

تلقى روحها

عايشة بترفرف عليه

——————-

23 أكتوبر 2022