خدعوكي فقالوا
كتبت:إسراء صابر.
خدوعوكي لما قالولك ان ابن الحلال هيجي بطقم الغالي والبيرفن اللي لما بتنزلي من بيتك ريحته بتجيب اخر الشارع. خدوعوكي لما طنط ام محمد قالت لمامتك خلي بنتك تكتر من الافراح عشان الناس تشوفها وابن الحلال يجيلها. خدوعوكي في فتره المراهقة لما اتقالك في وقت ضعف ان البنات كلها بتصاحب وايه يعني وأنك معقده لو مصحبتيش.
خدوعوكي لما قالولك هايل الطقم هياخد منك حته هوا اصلا أكنه حته فعلا .خدوعوكي لما قالولك ان الحب لازم يجي بضحكه عاليه ونظره جامده وماشيه مايعه لما تصاحبي وتأمني لواحد لسه عرفاه من يومين اصل صاحبتك قالتك انه كويس فاكرا طيب اول مبدأ ليكي لما كنتي لسه طفله بريئة ان حلالك هيجلك علي حصان أبيض وأنك عندك مبدأ مش هتتنازلي عن حلمك طب ما دلوقتي جالك بالعربيه الفراري بس للاسف مش حلالك. نرجع بالزمن طيب فاكره أول دقه قلب حسيتها لما كنتي بتحسي أن قلبك هيوقف وأنك مش حسه باللي حواليكي لما كان يعدي صدفه طب ما دلوقتي انتي بطلتي تحسي بالإحساس ده.
خدوعوكي بالميك اب واللحم الي باين يابنتي فوقي بقينا في زمن الشاب يروح لمامي يقولها اخطبيلي اصل انا مش لاقيها تروح ست الكل اخدا العبايه وراكبه اول عربيه ورايحه علي الشرقية تجبله اجدعها عروسه اصل بنات الشرقية غلابه البنت كبرت عشان تجوز وهيه دي العروسه المناسبه تطبخ تغسل تروق تخلف وبرضه بيخونها ويعرف عليها بنات كتير أصل مش مكفياه اصل سي السيد يا حرام مسكين ملاك بجناحين لازم يحلل لنفسه كل حاجه.
خدوعوكي ولسه بيخدوعوكي الحياه مش دبله ولا عقد عند مأذون الحياه يعني اجتهاد في طاعه وفِي صلاه وفِي حفظ القرآن وطاعه ربنا. طب هقولك حاجه تريحك ربنا قالك بسم الله الرحمن الرحيم وفِي السماء رزقكم وما توعدون صدق الله العظيم يابنتي الجواز ده رزق لو رزقك أتأخر ادعي ربنا يبعته ليكي واضمني ان مهما عملتي ربنا كاتب ليكي رزقك الي هوا جوزك يبقي ليه تتعبي نفسك وقلبك وراحه بالك ورا اوهام. خدوعوكي بيها انتي جميله بكل حلاتك اشتغلي علي نفسك وخليكي إنسانه متميزه وخليكي حلم لكل راجل يتمني ربنا يرزقه بزوجه صالحه زيك شوفتي الموضوع سهل ازاي وقل للمؤمنين والمؤمنات يغضوا من أبصارهن ربنا امرنا احنا كمان مش الرجاله بس غضي بصرك عشان يسلم قلبك سيبك من جو الكراش والكلام الفارغ ده خليكي متميزه بأخلاقك وبأدبك خليكي مصدر سعاده قولي لازم ابقي مع نساء الرسول في الجنه قولي مش هقبل غير اني أكون في الفردوس قولي لنفسك لازم الرسول يبقي فرحان بيا لما يشوفني كوني فتاه صالحه عشان ربنا يكرمك بزوج صالح.
