ده مش كلام

شعر/ الدكتور أمين رمضان

ده مش كلام

ده نبض قلب من السما

لما بكى غصنه سما

بلت دموعه فرحته

صدحت بلابل غنوته

تنسج أمل

أوسع من الكون الفسيح

لملم جراح المحرومين

والعطشانين

من حبه يروي

قلب حب ونام جريح

آه يازمن

شوف كلمتي

خارجة من روحي

بتكتب مهجتي

وتدوب على شط الأمل

رشفة حنان للعاشقين

ممزوج بأنفاس السنين

يسعد قلوب العابرين

مع كل نجمة حب

تظهر في السما

أو لمعة شعاع

من ضوء القمر

يحلى السهر

————–

22 سبتمبر 2022