دور على بنت الأصول
كتبت : ياسمين يحي
انك تتجوز بنت اصول دي بقى حكاية ووصفة السعادة الحقيقية .
– بنت الأصول الدنيا معاها حاجه تانيه متحسش الفرق إلا لو اتعاملت مع بنت (عاديه)
-بنت الأصول عينها مليانه حتى لو من بيت متواضع ماديا… مش هتحس معاها بإن نفسها في الدنيا كلها ومسروعه على شراء كل حاجه
-بنت الأصول تديها جنيه تحمد ربنا وتعيش تديها 10 تحمد ربنا برضو وممكن تحوشلك منها كمان
-بنت الأصول لما الزمن يميل عليكم تستحمل معاك مهما ضاقت الدنيا وتحسسك انها في نعيم
-بنت الأصول تحط عيالها في عنيها حتى بعد ما يكبرو ويتجوز مش زي القطط تولد وترمي وتهمل
-بنت الأصول عيوب القريب ما تطلعش من لسانها ..وفضايح الغريب تقف عندها مالهاش في العك
-بنت الأصول لما تتخانق معاها ممكن توجعك بكلامها بس مستحيل تهينك .
-بنت الأصول لما تحب تقول (تقول للاعور )انت اعور في عينه وبالادب بس مستحيل تتكلم على حد من وراه
– بنت الأصول بره بيتها ب 100 راجل وجوه البيت بتبقى ست اووي مش لازم مصر كلها تشهدلك ان مراتك حلوه
– بنت الأصول في عز خناقتك معاها لو اتكعبلت هتلاقيها واقفه جنبك ومعاك
– بنت الأصول في غيابك تتكلم عليك احسن ما بتتكلم قدامك
– بنت الأصول تلف تلف وترجع تلاقيها احسن ما سبتها …ما هي بنت أصول
– لو في بيتك بنت أصول يبقى يابختك. ..أمك دعيالك ..لو مخلف بنت طلعها بنت أصول خلي اللي يتعامل معاها يدعى للبيت اللي رباها
– بنت الأصول مفيش زيها حافظ عليها دي نعمه من عند ربنا لو ضاعت هتندم عمرك ومش هتلاقى حد زيها.
