دي صورة دي .. ولا حطام

صورة

دي صورة دي

ولا حطام

فين ضحكتك

فين بسمتك

رغم الآلام

مرت سنين

ورا سنين

عمر الحنين

بينا ما نام

الصورة صرخة

م الألم

بدون كلام

الصورة بحر

م الدموع

ما يكونوش

حزن الأنام

أنا كنت فين

عنك بعيد

وسط الزحام

في طاحونة الدنيا

اللي دايرة

كل عام

تطحن أمانينا

وأحلامنا

تطحن ليالينا

وأيامنا

تطحن وتطحن عضمنا

وكأننا

من غير زمان

يبكي علينا حزننا

يمسح براحته دمعنا

غاب الزمان

في قلوب بشر

لكن وحوش

وقلوبها أأسى م الحجر