الفن والثقافة
ذنبها إيه ٢٠٢٠ ؟
كلمات شاعر الوطن / الشحات النقيدي
ذنبها إيه ٢٠٢٠ ؟
ناس لعنوها بالملايين ؟
قالوا كورونا وقالوا وباء
قالوا دمار تهموها غباء
الأحداث م المولى بلاء
لاجل ما نرجع سوا للدين
ذنبها إيه ٢٠٢٠ ؟
💖💖💖
أحداث ياما وناس بتموت
عند المولى ما شئ بيفوت
كلُّه مقدَّر كلَّه نصيب
سهم يا ناس ولابد يصيب
فِكر يودِّى وفِكر يجيب
أمر عجيب ما يسُر العين
قبل ما نلعن فى الأيام
واللا نقول ونعيد بكلام
لازم ننسى أى خصام
ونكون سوا بسلام عايشين
ذنبها إيه ٢٠٢٠ ؟
💟💟💟
سنة آهى عدَّت كله سعيد
فرحان يشبه ليلة العيد
قدر المولى ده له مواعيد
مش مربوط بشهور وسنين
إيه بصراحة اتغيَّر فيك ؟
يللى بتلعن كده لياليك
شوف كام درس اتعلمناه
كلنا واحنا ولا فهمناه
لازم ندعى يا خلق الله
يبعت لينا أحلى سنين
ذنبها إيه ٢٠٢٠ ؟
