أراء وقراءات
رسالة إلى أبنائي
كلمات/ الدكتور أمين رمضان
من جوا قلبي بحبكم
مع كل دقة
جوايا بسمع اسمكم
جوايا باسمع نبضكم
عايشين معايا
جوا أحلامي
بشوفكم
واسمع خطوكم
رايح معاكم شغلكم
فرحان وطاير في السما
لما السعادة تضمكم
لما الحنان يروي حياتكم
والإيمان
يجمع قلوبكم
ويرفرف الحب الحقيقي
فوق حياتكم
والأخوة تعيش معاكم
تحمى أيامكم وأحلامكم
وترضوا ربكم
السعادة مش في مال
السعادة في الجمال
السعادة في الرضا
جوا أرواحكم
وجنة ربكم
يارب بارك خطوكم
أنا جنتي
حبي وروحي
في حياتي أمكم
من عندكم
تيجي السعادة عندنا
تروي حياتنا زيكم
————————–
3 ديسمبر 2022
