المجتمع
روحت أزور قبر أبويا
كلمات / ماهر البغدادي
روحت أزور قبر أبويا
وزورت قبر جدي وابن عمي وعمتي
افتكرت إزاي كانوا بينا
وافتكرت لما كانوا سندي و عزوتي
افتكرت أيام في ليلها
أيام جميلة إحلوت بيها دنيتي
كان وجودهم يفرق معايا
وبسيرتهم الناس زادوا في محبتي
كنت بفرح من جوايا
لما ينادوني بإسم عيلتي في حتتي
واتغيرت كل الحكاية
وكأني عايش حياتي في غربتي
مسلم ورافع فيها رايا
مش عارف فين طريقي وسكتي
وفضلت أدعي وزاد دعايا
بالرحمة ويريح قلبي وحسرتي
