أراء وقراءات
زفة العفش.. بدعة سيئه فى مجتمعنا
كتبت ياسمين يحيي
يعنى ايه عشان انقل عفش بنتى الى بيت عريشها لازم اجيب 15 عربيه لنقل العفش وممكن اصلا 3 عربيات يكفوا الموضوع كله …
يعنى ايه عشان انقل عفش بنتى لازم الف البلد كلها عشان الكل يشوف انا جايب ايه لبنتى مع ان بيت العريس فى الشارع اللى جنبنا …
وطبعا لازم ال دى جى عشان الفرحه تكمل وطابور العربيات يقف كل شويه عشان الشباب اليافع اللى المفروض ينهضوا بالامه يرقص شويه بالسنج والمطاوى ..
طبعا دا غير ان الناس كلها بتبص على عفش بنتك والناس الفقيره تكسر قلوبهم والبنت الفقيره تكسر قلبها لانها مش هتقدر تجيب زى ما حضرتك جبت لبنتك ..
على فكره اغلب هذه العادات يحدث بعدها الخلافات والمشاكل وكثيرا ما يصل إلى للطلاق !!.
الكل باصصلك فى عفشك وبيحسدك وعايز الزواج يستمر ؟؟
كفانا بدعة تزعج الناس وتتعب المريض وتكسر قلوب الاباء والامهات الغير قادرين
