سامحني ياولدي

كتبت / عزه السيد

قلت ياخاله إعطني نصيحه فقالت
، اوعاك ياولدي تجرح عزيز وبعدين تقوله معلش
اصل معلش بعد الجرح متنفعش

، اوعاك تقسى القلوب وبعدين تطلب حنية.
ماهى الحنية بعد القسى متنطلبش

اوعاك تشيّل منك النفوس وبعدين تطلب صفا.
النفوس عمرها ما هتصفي  على نفسك ما تضحكش

اوعاك  توجع روح وبعدين تطبطب عليها.
يابني وجع الروح ألمه مايتوصفش

إوعاك تخون اللي وثق فيك
وبعدين تطلب الأمان  اصل اللي يخون ميتأمنش

( سامحني ياولدي ..)
على قسوة كلامي ومتزعلش ٠٠٠ انا
قصدي انصحك اصل النصيحة بعد الغلط  مبتفدش