أراء وقراءات
سباعية هاشمية ..حفيدة بس ، طعمة بجد
شعر / الدكتور على عنان
*حفيدة بس ، طعمة بجد
ومبروك الحجاب،، يا مرام
*وحبى ليكى مالوش حد
وبابعت ليكى ،أحلى سلام
*ألاقى خوخة، فوق الخد
تقول للشهد ، فين هتنام ؟
*وبسمة حلوة ،،، ع الشفة
تلاغى البدر ،،، وسط غمام
*تقول طبع الجمال ، خفة
وفيه عفة ،،،، شعور وكلام
*وآه م القد ،،،،،،، لما يميل
بيسبى الفكر فى ، الأحلام
*وفى الخلفية ورد جميل
يقول وردك غرام ف غرام
د. على ابوهاشم عنان
إعلامي ومترجم وشاعر
