سباعية هاشمية.. قولولى إيه ذنب الغراب؟

شعر / الدكتور على عنان 

*قالوا عليه ،،وش الخراب

والأصل فيه ندل وخسيس

*قولولى إيه ذنب الغراب؟

إنه اتولد ، أسود غطيس ؟!

*عابوا كتير ،، لونه الهباب

قالوا عليه ،، مالوش أنيس

*بس الحقيقة ، غير كده !

ماعرفش ليه ,حظه تعيس

*حتى ولو يوم اعتدى !؟

رح ينعدم ويموت فطيس

*فيه الوفا، أحلى الصفات

فيه الذكاء ،،، معدن نفيس

*والأسرة ليه حتى الممات

حتى ولو ،،، يفضل حبيس

د. على ابوهاشم عنان

اعلامي ومترجم وشاعر