تقارير وتحقيقات

شاب يقوم بمبادرة إنسانية لمساعدة الحيوانات الضالة

تحقيق : عزه السيد

عمرو محمد شاب بسيط فكر في فكرة رائعة تجربة إنسانية ميفكرش فيها إلا شخص ملأت الرحمة قلبه يهب للمساعده دائمآ ، و من يساعد! يساعد الحيوانات مثل الكلاب الضالة كلاب الشوارع والقطط وأى حيوان هائم لا يجد مأوى ولا طعام كما يساعد الحيوانات المريضة والمصابة ويعالجها ويقدم لها الطعام.

عمرو فكر في فكرة إنسانية عمل إفنتات متتاليه لإطعام وعلاج ورعاية الحيوانات المريضة الضالة ودعى من يرغب في المساعدة أن يشاركه ليس له طلبات من أحد سوى إحضار اى بواقى طعام عنده تصلح لإطعام الكلاب والقطط الجائعه أو المشاركه بالجهود الذاتية في المساعدة وكل أمله أن يقلده الغير وتنتشر هذة التجربة على أوسع مدى

وعندما سألته أن يحكى لنا فكرته قال:
شوفى حضرتك هى بجد حاجة تلقائية وانا لما بعمل الايفنت بحس إنى بجد فرحان أوى ومرتاح من جوا كدا

-وهل هناك شروط الإشتراك في هذه الايفنتات؟
الحملة مش بتكون اطعام بس بتكون توعية وثقافة ونشر الرحمة بين الناس ،والايفنت مش بيكون له شروط الناس اللى بتيجي مش ملزمين يجيبو شي معين او كمية معينه اللى ربنا بيقدره على حاجه بيجيبها
وبجيب لبن وببرونات او سرنجات عشان لو قابلنا جراوى صغيرة ارضعهم

وعندما سألته: ما هى المشاكل التى تقابلكم أثناء عمل الايفنت؟
قال: الناس اللى بتعارضنا وتهاجمنا وأحيانا تهديدات إنهم يجيبولنا الشرطه علشان بنأكل القطط والكلاب الضالة وبنساعدهم

  • ألم تجرب أن تتواصل مع جمعية الرفق بالحيوان؟
    :اى جمعيه لازم نخضع لقوانينها وعشان نعدل ونضيف ونجدد ف قوانينها لازم تاخد وقت كبير عشان جمعيه وكدا ، فين روح الانقاذ السريع ،فين أن لكل قاعده استثناء ،انا عايز لو جانى استغاثه الفجر اقوم انفذ مش لسة هستنى الجمعيه تفتح واخد منها الاذن

وبسؤالى عن عدد المشاركين في مثل هذه الايفنتات قال:
ممكن نبقى ١٠ وممكن ٢٠ ممكن اكتر على حسب ظروف الناس
وهل يجب على وكل واحد بيحضر معاه طعام للحيوانات؟

في ناس مبتقدرش تجيب اكل وبتكون جاية تشارك بكجهود فقط علشان كده بجيب اكل ذيادة

وما هى نوعية الأكل؟
مش اكل مكلف اى بواقى اكل فى البيت رز خضار وفى ف محلات بيع الدواجن الرجول والروس والأجنحة ودى بتكون مش غالية

هل يساعدكم أى أطباء فى علاج الحيوانات المريضة أو المصابة؟
للأسف لاء بس أنا خبرتي ف علاجهم مش وحشة لاني بربي بقالى 15 سنه

وما هى الحيوانات التى يشملها الايفنت وتقوم بمساعدتها؟
كلاب وقطط واخر حملة اكلنا حمار وصورناة فيديو
متى بدأت عمل هذه الايفنتات وما السبب اللى دفعك لأخذ هذه المبادرة؟

شفت ناس بتعمل ايفنت بس على فترات متباعدة يعني كل شهرين مرة
قلت طب لية معملش انا على فترات متقاربة ولا تكن حملات إطعام فقط تكون علاج ورعاية كمان

هل يعترض ا حد من اهلك على اللى ماتفعل ؟
بالعكس اهلى حابين ده جدا خاصة ابى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.