معلش اسف يا نبي
لكن ماليش غيرك
طبع البشر أصبح غبي
مشيوا ف طريق غيرك
سابوا الشريعة وسنتك
خالفوا خطوط سيرك
مابقاش في حد
يمد ايده للفقير
ولا حد أصبح عنده نخوة
وكتير اوي باعوا الضمير
وكتير اوي خانوا القضية
عكس الصحيح لازم يسير
يا سيدي ..اسف لأني بزعجك
ببلاوي أمة مشتتة
ببلاوي أمة مفرطة
أمة بتاكل بعضها
أمة بتنهش لحمها
أمه كتر فيها الكلام
والفعل خارج أمرها
يا سيدي النبي المبجل
بعد احترامك والسلام
معلش إني هصدعك
بكتير أوي من الحكاوي والكلام
أمتنا باعت عرضها
باعت ترابها وارضها
ودفنا روسنا في التراب
زي النعام
معلش اسف يانبي
هي حقيقة امتك
الشاعر عبد التواب الرفاعي
