احدث الاخبار
شعاع النور..
بقلم /الدكتور أمين رمضان
وليه أصلاً
تدوسي الورد يا بلدي
على القضبان
كأن الورد مش إنسان
بلون الدم أحزانَّا
وأيامنا بلون الليل
وشمس الناس بتْجَهِز
شعاع النور
وبترسم لبكرة طريق
يلملم حلمها المكسور
ويزرع تاني أحلامها
وأيامها
في قلب الصعب
يرعرع تاني نور نيلها
وقنديلها
يدور ويدور
ينوَّر كل حارة ودور
يا صرخة شوق لحرية
يا أول خطوة في عينية
عرفتي الدرب
