شهيرة : حالة الفنان محمود ياسين لا تتحسن وأخشى أن تتدهور

اثارت الفنانة شهيرة القلق بشأن تطورات الحالة الصحية لزوجها الفنان محمود ياسين، وقالتخلال مداخلة تليفونية، مع الإعلامي وائل الإبراشي في برنامج “التاسعة”: “الحالة مش بتتحسن، ربنا موجود مش عارفة هنعمل إيه، الواحد بيقول يا رب تعدي الأزمة، الموضوع إنه ملوش علاج، ربنا يرفع عنه ويشفيه”. واضافت : ” أنا بس بتمنى من ربنا الحالة متدهورش”.

وبحسب موقع مصراوي أوضحت شهيرة : “محدش بيدخل عندي نهائي من 5 أشهر، عمرو قالي أنا عايز أشوف أبويا قولتله أنت مخالط، قال ما إحنا لازم نعيش الحياة وموضوع كورونا مطول وناخد بالإجراءات الاحترازية، قولتله أوك مقولتش حاجة بس من بعيد، بخليهم يشوفوه وهما لابسين الكمامة من بعيد أوي أوي، رانيا سمحت لها إمبارح تشوفه من بعيد، يعني كانت هي في الجنينة وإحنا في الليفينج جوا”.