صباح الخير

كلمات / ا. د. نادية حجازي نعمان

صباح الخير …. على أهل الخير

اللى  يامه قالوا لنا .. صباح الخير

ولا كلوا ولا ملوا من عطاء للغير

نقول لهم وللسما والأرض والطير

بجد بجد ….من قلبى صباح الخير

صباح تعديل الأمور وربنا  يجير

هوه اللي بيدبر وهو اللي بيدير

وإن قلت له ساعدني بأي تعبير

يساعدك … والأمور حتسير

أيوة حتمشي …و بكل تيسير

بعطاء الميسر العليم الخبير

لما يدي من أراد تغيير

لوجه الله مش لأي شهير

بغرض زرع وتشجير

حوالين قصره الكبير

فى جنتك يارب ومليان عبير

مش قصر دنيا ده قصر أخير

قصر نهاية المصير

لا هوه حر ولا زمهرير

ياجماله … مليان بعبير

فل وياسمين..واللبس حرير