الاسرة والطفل

عارفه يعني إيه جوزك؟؟

بقلم /عزه السيد

يعني هو الراجل اللي بيتعب ويحارب الدنيا علشان يأمنلك عيشه مرتاحه.

يعني الراجل اللي بيجيي على نفسه وصحته كتير علشان يريحك انتي وولاده.

علشان كده واجب عليكي تريحيه وتحسسيه إن اللي بيعمله ده انتي حاسه بيه ومقدراه.

وكمان لما يجيلك يعتذر عن خطأ تقابلي ده بحب وغفران.

ولما ينسى يجيبلك حاجه كنتي طالباها منه تقولي : “معلش ممكن تجيبها بعدين لما تخرج ؟ “

تكون سعيدة لما تلاقيه راجع البيت وتقبليه بابتسامة.

لما يطلب منك حاجه تعمليها دون تأفف.

لما يتلخبط في الطريق و هو سايق،  متهوليش الموضوع وتحسسيه انه عمل ذنب لا يغتفر

اطلبي  دعمه بدلاً من التركيز على أخطائه.

لو نسي اي مناسبة تخصك بلاش تقومي الدنيا وتقعديها، ياستي الراجل معذور والله ما هو مطحون طول اليوم ومضغوط برضو في الشغل

صدقيني الراجل في أوقات كتيره بيحتاج يحس بالطفل اللي جواه  ومحتاج برضو يتدلع مش تقوليلو” إحنا كبرنا” و”بلاش قلة قيمه” والكلام ده يعني

وبرضو محتاج يحس برجولته في بيته وإنه سيد القرار وكلمته واجبه الإحترام والتقدير.. مش تحسسيه إن” وجوده زي عدمه”

ياستي ده النبي محمد صلى الله عليه وسلم قال

لو أمرت أحد أن يسجد لغير الله لامرت الزوجه أن تسجد لزوجها.

وانا مش بقولك اسجديله… ده انا بقولك حبيه احترميه، قدريه، حسسيه أنه أكبر حاجه واغلى حاجة في حياتك.

اوعي تقللي من قيمته ولا هيبته قدام حد خاصة أولادكم مهما عمل، هتلاقي احترامهم ليه قل وانتي اللي هتعاني.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.