عباءة الكفر المؤقت !!!!
بقلم / هناء ابو هنتش
هى حالة من الكفر كلنا بنعيشها ومش حاسين … زى الحرامى اللى بيحلف أنه هيسرق آخر مرة وبعدين يتوب ولا الشاب اللى بيترك نفسه للشهوات وبيقول بعدين استقر واستقيم …
كل واحد فينا بيعيش الحاله دى وهو لا يعلم…
انه كفر دون كفر ونفاق دون نفاق …
مثلا اى صبى أو فتاة فى بداية التزامه بالصلاة بيفوت فروض كتير على أساس أنه لسه مبتدئ وأنه هيبدأ يلتزم من بكره أو بعد اسبوع !!!! أو بيحضر فرح كله منهيات ومحرمات ويقول اهى مرة وتعدى …
ومثال آخر موظف يخالف ضميره والقواعد الشرعية فى عمله وفى مواقف عديدة وكل مرة على غرار اخر مرة وبعدين ربنا يسهل !!!
يوجد مسلمين كتير حتى وقتنا الحالى مش فاهمين حكاية عباءة الكفار اللى بيلبسوها كل شوية ، وهم مش حاسين أنهم دخلوا بوتقة حارقة تصهر فيها عقائدهم وقيمهم ومش فاهمين أن الدخول بمزاجهم بس الخروج ممكن يكون مش بمزاجهم وطريق العودة مش مضمون !!!!
طبعا اللى بيلبس هذه العباءة وهو عارف عواقبها يظن أنه قادر على نزعها فى اى وقت .والبعض لا يدرك انه لا يملك القدرة المطلقة على نزعها فضلا على أنه قد توافيه المنية في هذه العباءة التى اختارها وهذه البوتقة الصاهرة التى دخل فيها بإرادته أو لنقل بضعفه على توجيه إرادته وجهتها الصحيحة …
إياك وان ترتدى عباءة الكفر تحت اى ظرف ومهما ظننت أن الامر هين فإن الله لا يحب أن يراك حيث ينهاك كن مسلما بحق
خذ الكتاب بقوة …
اى نفذ أوامر الله دون تهاون
قف عند حدوده ومنهياته
واتقى الله اى اجعل بينك وبين ما يغضبه وقاية …
