كتب/حسن ابوكباش
الثلاثاء الموافق 8 يونيه 2021
صرح أحمد عبد القادر لاعب نادي سموحة المعار إليه من صفوف النادي الأهلي عن قميص القلعة الحمراء والبنيان الجسدي الخاص به وعن المشاركه في المباريات أساسي
قال عبد القادر في تصريحات تلفزيونية عبر قناة أون تايم سبورت “اللعب في الأهلي مختلف، الجمهور دايما عاوز مكسب، سموحة فريق كويس ومستقر لكن في الأهلي الموضوع غير كدة تماماً فهو نادي بطولات ونادي القرن الأفريقي والجمهور الأهلاوي لا يرضي غير بالمركز الأول والتتويج في جميع البطولات آلتي يشارك فيها ولاعبوه تعودو علي ذلك
وتابع الموهوب عبدالقادر إنت في الأهلي عن مطالب بكل بطولة بتشارك فيها، لكن في سموحة مثلًا بيكون هدفك وطموحك انك تبقى في المربع الذهبي وهذا طموح الفريق السكندري
وواصل عبد القادر “انا متعود على ضغوط النادي الأهلي، انا واحد من أبناء النادي، عكس أي لاعب يأتي من نادي تاني بيستغرق وقت حتى ينسجم
وأضاف عبد القادر “صعب ارجع للأهلي من الإعارة وملعبش أساسي واكون متواجد باستمرار واسعي لتأكيد ذلك
وأكد « أحمد عبدالقادر» لاعب الأهلي المعار لفريق سموحه السكندري لو هرجع من الإعارة يبقى انا جاي علشان اشارك، انا خرجت اعارة علشان خاطر اخد فرصة، انا مش بلعب في مركز واحد انا بلعب في 3 مراكز
وأوضح الكورة سرعة وقوة مهما كنت حريف، الناس بتتكلم اني بدني قليل، انا طبيعة جسمي كدة ووزني مثالي بالنسبة لطولي، 179 ووزني 74، مش محتاج ازيد او اقل
وأكمل عبد القادر تصريحاته “مثلي الأعلى محليا محمد أبو تريكة ومحمود الخطيب وعالميا هازارد وهو في تشيلسي الانجليزي