عرفت بقى أنا ليه بعدت

عزه السيد

– انتى ليه اخترتى تبعدى عن الناس
– انا
– ايوا انتى
– انتى مش فاهمه حاجه
– طب فهميني

انا عمري ما حبيت البعد ف حياتي، بالعكس أنا كنت اكتر واحده ممكن تلاقيها في اي وقت جنب أي حد في حزنه قبل فرحه، انا قدمت كل حاجه تتوقعها واللي متتوقعهاش ،قدمت لحد مبقاش في اي حاجه تانيه ممكن تقدمها ، لحد مااستنفذوا كل الطاقه اللي جوايا ليهم .. وفي الاخر اكتشفت
ان كل اللي قدمته ده ملهوش اي قيمه عندهم وإنك قدمته ف المكان الخطأ وللناس الغلط
فلما متلاقيش التقدير من اللي حوليك بيخلوك تمشي لانهم مش شايفينك اصلا إلا إذا لو كان ليهم عندك مصلحه،صدقني
انا مخترتش البعد بمزاجي هما اللي اجبروني اني ابعد عنهم بأفعالهم وعدم تقديرهم ليا ، انا اخترت البعد لاني اتأكدت أن بقا وجودي زي عدمه يعني عملت زي معملتش فقررت ابعد واعيش مع نفسي مادام بقا وجودي من عدمه مش فارق
فقررت ابعد خالص واوفر اللي باقي من طاقتي لنفسى

مش إنت السبب ولا هو ولا هما ولا حد بذاته

السبب انى مبقاش عندي طاقه ولا حتى لنفسي
عرفت بقا انا بعدت ليه .