عمك عطية الفرماوي
الحاج جمّع أولاده
مع أحفاده
واحتفلوا ويّاه بميلاده
ف سبعة وعشرين
من يوم ماجيتنا ف سبتمبر
عمّال تعبر
بلاد كتير وانت بتكبر
وتمر سنين
عمك عطية الفرماوي
زي الحاوي
وياما شاف برضه بلاوي
وبنني العين
كل اللي فات من عمره دروس
ونظام مدروس
وعلّمه لابنه المحروس
ويا السامعين
بياخده يقراله الجرنان
جنب الدكان
ويقولّه اخبار كل مكان
لو كانت فين
ويروح صاحبنا على القهوة
كده على سهوة
يقعد يعلّم وبزهوة
والناس قاعدين
راجل بسيط بس مثقف
والناس تحلف
تسمعله تهتف وتسقف
وسط الميادين
عمك عطية معاه أسلوب
يحتل قلوب
وتحس انك دايب دوب
غايص ف الطين
فيه خيط متين بينه وبيني
ومعلّيني
وخللى بيه كرم التيني
واقف ومتين
كرم يزن خللى ميلاده
مع أجداده
عقبال مايحسب لولاده
زي الباقيين
عطية مات بس بيكبر
ويزيد اكتر
وحط ابنه سعيد زنجر
حارس وأمين
عطية مات لكن موجود
والروح بتجود
وكل خير ويّاه بيعود
مزروع بساتين
حياته والله كانت صفحة
بيضا وواضحة
وياللا نقراله الفاتحة
لرب العالمين
شعر : د. عادل معاطي
سعيد فرماوي
