الثلاثاء 23 /6 /2020 عك سنين أيوة اسمه كده عك سنين بأتكلم مش بس بجد دول جَدين الي أنت عَكيته وبَكَّاك بدمع العين عَكيته على نفسك بإيديك الإتنين كنت نايم !!! وألا غاوي أنين ؟ وألا فاكر حتاخد جايزة وألا يدوك نشايين ماتكلمنيش عنهم ماليش دعوة بيهم دُوُل مش فايقيين بأكلمك إنت إنت كنت فين ؟ زحمة الحياة حياة مين !! بأكلمك عن نفسك مش ع التانيين ماكنتش فاضي لنفسك !! أُمال فاضي لمين ؟ مش بأقولك عكيتْ سنين ممكن تفوق ؟ شكلك بتحسب حتعيش مرتين دي مرة واحدة وضربت ذاتك بالسكين سِبت الكل هَدَها فاكرها شطارة ولين كان فاضل تديهم العين وتِفْضل تُولوِل حزين عامل لنفسك كمين !! وألا لك ودن من طين وِوِدن من عجين عرفت معنى عك سنين ! كل حاجة مشيت وراها وكانت بتجيب لك أنين ونفسك واقفة ضدك معين أذية النفس شيء مهين هوه ده عك السنين وتسيب حد يأذيك برضه من عك السنين ياريت توقفه وخلي بالك على نفسك مين حيدير باله عليها أدك وكفاية عك سنين
