فاكرة قولى بقى مش فاكرة
فاكرة لما إتقابلت عيونا أول مرة
لما الهوى طوح على جبينك الطرحة
وبين الخجل والدلال بانت أجمل ضحكة
ومن إيديكى طار فى الهوا القلم والورقة
فاكرة قولى بقى مش فاكرة
طب فاكرة يوم ما كلمتك فى الزحمة
وسألتك ليكى على الفيس صفحة
وبرقة الغزال قلتى اه بهمسة
بس أنا مشغولة أوى فى المذاكرة
فاكرة قولى بقى مش فاكرة
دا أنتي خطفتي قلبي حتة خطفة
و بقي يدق في الثانية يجى ميت دقة
وعيوني من اللي حواليكي حارسة
و من بعيد براقبك في الرايحة والجاية
عارفة طبعا اكيد مش عارفة
أول مرة أكتب واللي أقصده يقرا
كنتي صورة في خيالي من سنين عدة
وإتمنيت أقابلها في أيامي و لو صدفة
يااااااه لو تعرفي أنت إيه بالنسبالي
انت نـور أضاء الكون و كل أركاني
انت غـنوة عزفت منها كلماتي وألحاني
انت مـلكة ملكتها عرش قلبي وزماني
عارفة طبعا اكيد مش عارفة
كنت بشم عبيرك في كل زهرة و وردة
وأشوف ضيك لما البدر يزيح الضلمة
ولف حوليكي علشان أسمع ولو كلمة
وكان نفسي أعرف أسمك أهو بالمرة
بس انت كالشمس وخايف من اللسعة
متضحكيش انا بوصف حالي بحرقة
ايوة أقصدك انتي ياللي مش عارفة ولا فاكرة
جوايا كلام كتير بس أقولك نكمل بكرة
مختارة من صفحة ..محمد بهى